للدردشة والفرفشة
 
الرئيسيةالبوابةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 بحبك يا مصر

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ثناء
المشرفة العامة
المشرفة العامة
avatar

عدد الرسائل : 4
تاريخ التسجيل : 07/07/2008

مُساهمةموضوع: بحبك يا مصر   الإثنين يوليو 07, 2008 5:53 pm

ازيكوا كلكوا....انا جايبالكوا موضوع مصري مصري farao farao


المصـري هـوّ اللـي


المصري هو اللي لو عمل حاجة حلوة يبعت لجاره طبق يدوقه
وهو اللي لو لقى الدنيا بتشتّي يجري يخبّط عليك يقولك لمّ الغسيل
وهو اللي لو شم عندك حاجة بتتحرق يجري يطمن عليك لا تكون اتخنقت
وهو اللي لو سمع صوت زعيق وخناق عندك يجي يصلح
وهو اللي لو لقى خناقة في الشارع يقف يحوش مش بس يتفرّج
وهو اللي لو لقى حد بيغرق يجري ينط في الميه حتى لو هيغرق معاه
وهو اللي لو اتفرط منك كيس الجوافة في الشارع يقف يلمّ معاك


المصري هو اللي لو حس انك مزنوق يعملك جمعية مخصوص و يقبّضك الأول
و هو اللي يقف معاك في الأحزان و الأفراح زي مايكون من بقية اهلك
و هو اللي يلمّلك من الركاب فلوس لو مرتبك اتسرق منك في الأتوبيس رغم انه مايعرفكش
و هو اللي لو لقاك في مواصلة و كان عارفك يحلف ميت يمين ليدفعلك الأجرة حتى لو مافيش في جيبه غير نص جنيه

المصري هو اللي يقعد معاك ع الفطار في رمضان
المصري اللي يشتري بالونات لولادك في العيد
المصري اللي يقف جنبك وانت بتدبح الاضحية
المصري اللي يباركلك لما ابنك يجيب مجموع ويساعدك يجيبله شغلانة
المصري اللي ييجي يقولك تجيب كشاكيل و أقلام بالجملة عشان توفر المصاريف

طيبة المصري مش ممكن تلاقي زيّها فى اي بلد تانية


وعمار يا مصر santa
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
super hema
Admin
avatar

عدد الرسائل : 30
العمر : 21
تاريخ التسجيل : 10/06/2008

مُساهمةموضوع: رد: بحبك يا مصر   الثلاثاء يوليو 08, 2008 5:09 am

[b]يا سلام هو ده المصرى بجد شكرا ليكى يا ثناء على موضوعك الجااااااااااامد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://pharmasnipers.yoo7.com
 
بحبك يا مصر
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات الروشنه :: ركن الشباب والصبايا-
انتقل الى: